Me nā ki‘i i kaha ‘ia e ka mea kākau
Unuhi ‘ia mai ka ‘ōlelo Palani ā ka ‘ōlelo Hawai‘i
e
Keao NeSmith
Hawaiian / ‘Ōlelo Hawai‘i
96 Seiten
Edition Tintenfass, 2013
ISBN 978-3-943052-36-7
A translation of the French classic into Hawaiian (‘Ōlelo Hawai‘i), a Polynesian language and one of the official languages of state of Hawaii.
I ko‘u wā ‘eono o‘u makahiki, ua ‘ike au ho‘okahi manawa i kekahi ki‘i u‘i
loa i loko o kekahi puke no kekahi ulu lā‘au i ho‘opā ‘ole ‘ia a kapa ‘ia ka
puke ‘o “Nā Mo‘olelo ‘Oia‘i‘o”. He ki‘i ia o kekahi naheka boa i ‘ai i kekahi kia. Eia ma ‘ane‘i nei kekahi kope o ia ki‘i.
‘Ōlelo ‘ia i loko o kēia puke: “Moni ka naheka boa i kāna ‘ai he kino
holo‘oko‘a me ka mama ‘ole ‘ana. Ma hope mai, ‘a‘ole hiki iā ia ke ‘oni a hiamoe
‘o ia ‘eono mahina ka lō‘ihi no ka wāwahi ‘ana i ka ‘ai i loko o kona ‘ōpū”.
No laila, ua nui ko‘u nalu ‘ana i nā huaka‘i ‘ana i loko o ka ulu lā‘au, a me ka
ho‘oikaika pū ‘ana nō, ua puka pono ka‘u hana ma ke kaha ‘ana i ka‘u ki‘i mua
loa me kekahi penikala kala. ‘O ka‘u ki‘i helu ‘ekahi nō ia. Penei kona ‘ano:
Hō‘ike‘ike akula wau i ka‘u hana mua i nā kānaka mākua a nīele akula
wau iā lākou inā he ho‘omāka‘uka‘u ke ki‘i iā lākou.